ஒரு காபியை வாங்கி, நாள் முழுக்க அதை ரசித்து ரசித்து நீங்கள் குடித்துக்கொண்டு இருந்தாலும், காபி ஷாப்பில் உங்களை யாரும் கண்டுகொள்ள மாட்டார்கள்.

பிசினஸ் பேச, முக்கியமான ஆட்களைச் சந்திக்க, காத்திருக்க, காதலை வளர்க்க என்று பல விஷயங்களுக்கு இதுபோன்ற இடம்தான் மக்களுக்கு வசதி.

கோவையில் பல இடங்களில் இதுபோன்ற காபி ஷாப்கள் இருந்தாலும், அவிநாசி சாலையில் இருக்கும் ட்ரை ஸ்டார் அப்பார்ட்மென்டில் இயங்கும் 'கஃபே மோட்டோ’ காபி ஷாப் கொஞ்சம் வித்தியாசமானது. ''முழுக்க முழுக்க மேற்கத்தியப் பாணியில் வடிவமைக்கப்பட்டுள்ள 'கஃபே மோட்டோ,’ பைக் பிரியர்களுக்கெனப் பிரத்யேகமாக தமிழ்நாட்டில் இருக்கும் ஒரே காபி ஷாப்'' என்கிறார் இதன் மேலாளர் ரஷீத்.

'கோவையில் சூப்பர் பைக்ஸ் வைத்திருப்பவர்களுக்கான மீட்டிங் பாயின்ட் இதுதான். வார இறுதி நாட்களில் இது இன்னும் களைகட்டும். ஆரம்பத்தில் இந்த ட்ரைஸ்டார் அப்பார்ட்மென்டில் வசிக்கும் 10 சூப்பர் பைக் உரிமையாளர்களின் வேண்டுகோளின்படி, சின்ன அளவில் தொடங்கப்பட்டது. இப்போது பரபரப்பான காபி ஷாப்பாக மாறிவிட்டது'' என்றார் இதன் உரிமையாளர் நரேன் ராஜன்.

விடுமுறை நாட்களில் யமஹா ஆர்-1, எஃப்.ஸீ-1, ஏப்ரில்லா, டுகாட்டி, சிபிஆர் 1200, பிஎம்டபிள்யூ என சூப்பர் பைக்குகள் இங்கு அணிவகுக்கின்றன. வெளிநாட்டு பைக்குகளைப் பார்ப்பதற்கு மட்டுமின்றி, இங்கு வழங்கும் காபிக்காகவும் நிறைய ரசிகர்கள் இருக்கிறார்கள். மேலும், சூப்பர் பைக்குகளுக்கான தொழில்நுட்ப உதவியும் ஆலோசனையும் இங்கே கிடைப்பதால், சூப்பர் பைக்கர்களின் மீட்டிங் பாயின்டாகவும் இருக்கிறது கஃபே மோட்டோ.

காபி ஒன்றை ஆர்டர் செய்து, ரசித்து ருசித்துக் குடித்துவிட்டு பில் பார்த்தபோது... 150 ரூபாய்!

ஹோண்டா நிறுவனம், ஒவ்வொரு ஆண்டும் 'டிரைவ் டு டிஸ்கவர்’ எனும் பயணத்தை ஆட்டோமொபைல் பத்திரிக்கையாளர்களைக் கொண்டு நடத்துகிறது. நீண்ட தூரம் காரை ஓட்டும்போது, காரைப் பற்றி பல விஷயங்கள் புரியும். மேலும், 'இது இப்படி இருந்தால், நன்றாக இருந்திருக்குமே... இந்த பாகத்தை அங்கே வைத்திருக்கலாமே.... சஸ்பென்ஷன் இன்னும் கொஞ்சம் இறுக்கமாக செட் செய்திருக்கலாமே’ என்று பத்திரிகையாளர்களுக்குத் தோன்றும் விஷயங்கள், ஹோண்டாவுக்குக் கிடைக்கும் போனஸ் தகவல்கள். 

அதேபோல், காரை பிரபல சுற்றுலாத் தலங்கள் வழியாக ஓட்டிச் செல்லும்போது, அனைத்துத் தரப்பு மக்கள் கூடும் இடத்திலும் காரைக் காண்பிக்கலாம். இது ஒருவகையில் மார்க்கெட்டிங் உத்தி என்றாலும், காரைப் பற்றிய நுணுக்கமான விஷயங்களை அறிந்துகொள்ள உதவும் என்பதும் உண்மை.

ஹோண்டா அமேஸில் இருக்கும் புதிய 1.5 லிட்டர் 'எர்த் ட்ரீம்ஸ்’ டீசல் இன்ஜின் எப்படி இருக்கிறது என்பதை அறிய, இது ஒரு நல்ல வாய்ப்பாகவே எனக்கு அமைந்தது. திருவனந்தபுரத்தில் இருந்து கொல்கத்தா வரை நடந்த டிரைவ் டு டிஸ்கவர் பயணத்தில், திருவனந்தபுரத்தில் இருந்து சென்னை வரை அமேஸை ஓட்டிய என் அனுபவம்...

டீசல் இன்ஜின்களுக்கே உரித்தான சத்தம் மற்றும் அதிர்வுகளுடன் அமேஸின் டீசல் இன்ஜின் உயிர் பெற... திருவனந்தபுரம் ஹோண்டா ஷோரூமில் இருந்து துவங்கியது பயணம். மொத்தம் நான்கு அமேஸ் டீசல் கார்கள் இந்தப் பயணத்தில் இடம் பெற்றிருந்தன. கேரளாவில் இருந்து தமிழ்நாடு எல்லை வரை செம டிராஃபிக். ஹோண்டா அமேஸின் டீசல் இன்ஜின், இது போன்ற டிராஃபிக் மிகுந்த நகரச் சாலைகளுக்கு நன்றாக ட்யூன் செய்யப்பட்டு இருக்கிறது. கிளட்ச் கொஞ்சம் டைட்டாக இருப்பதுபோலத் தோன்றியது. மேலும், குறைந்த ஆர்பிஎம்-ல் டார்க் மிகவும் அதிகமாக வெளிப்படுவது, நகரத்துக்குள் ஓட்டும்போது வசதியாக இருந்தாலும், டிராஃபிக்கில் சற்று எச்சரிக்கையாக இருக்க வேண்டும்.

கேரள எல்லை வரை நன்றாக இருந்த சாலை, களியக்காவிளையை நெருங்கியதும் குண்டும் குழியுமாக மாறியது. நான் அலுத்துக்கொண்டாலும், அமேஸ் அலுத்துக்கொள்ளவில்லை. மேடு பள்ளங்களை நன்றாகவே சமாளித்தது. நாகர்கோயிலைக் கடந்து கன்னியாகுமரியை நெருங்கியபோது, மதியம் மணி மூன்று. 'வெறும் 100 கி.மீ தூரம் ஓட்டுவதற்கு நான்கு மணி நேரமா?’ அவ்வளவு டிராஃபிக் பாஸ்!

கன்னியாகுமரியில் போட்டோ ஷூட்டையும் மதிய உணவையும் முடித்துவிட்டு, ராமேஸ்வரம் நோக்கிப் புறப்பட்டோம். திருவனந்தபுரம் முதல் சென்னை வரை நாங்கள் ஓட்டப் போகும் ஒரே நான்கு வழிச் சாலை, கன்னியாகுமரி முதல் தூத்துக்குடி வரை இருந்த தேசிய நெடுஞ்சாலை மட்டுமே! காரை வேகமாக ஓட்டிப் பார்க்க இதை விட்டால் வேறு வாய்ப்பு இல்லை. எனவே, ஆக்ஸிலரேட்டரை மிதித்தேன்.

குறைந்த ஆர்பிஎம்-ல் நன்றாகவே சக்தியைஅளித்த டீசல் இன்ஜின், அதிக ஆர்பிஎம்மிலும் சீரான சக்தியை வெளிப்படுத்தியது. மூன்று இலக்க வேகங்களிலும் 'ஈக்கோ’ விளக்கு ஒளிர்வது மிகப் பெரிய ப்ளஸ்! கார், அதிக வேகங்களில் தேவையில்லாத குலுங்கல்கள் ஏதும் இல்லாமல் சீராகச் சென்றது.

திருநெல்வேலி வரை நெடுஞ்சாலையில் பயணித்து பின்னர், தூத்துக்குடியில் இருந்து கிழக்குக் கடற்கரைச் சாலை வழியாக ராமநாதபுரம் அடைந்து, பின்னர் ராமேஸ்வரம் சென்று சேர்ந்த போது இரவு 11 மணி ஆகியிருந்தது. டீசல் அளவு இரண்டு பார்கள் இருப்பதாக ஒளிர்ந்தது. ட்ரிப் மீட்டர், லிட்டருக்கு 19.2 கி.மீ மைலேஜ் எனக் காட்டியது. நாங்கள் ஓட்டிய விதத்துடன் ஒப்பிடும்போது, இது உண்மையிலேயே நல்ல மைலேஜ்தான்.

அடுத்த நாள் காலை தனுஷ்கோடிக்குச் சென்று அங்கு போட்டோ ஷூட் முடித்தோம். பின்னர், கிழக்குக் கடற்கரைச் சாலை வழியாக புதுச்சேரிக்குப் பயணம் துவங்கியது. நாகூரைத் தாண்டும்போது இரவு மணி 8.30 ஆகியிருந்தது. ஹோண்டா அமேஸ் காரின் ஹெட்லைட் வெளிச்சம் லோ-பீமில் போதவில்லையோ என்று நினைத்து ஹெட்லாம்ப் செட்டிங்குகளை உயர்த்தி அமைத்தேன். அப்போதும், வெளிச்சம் போதவில்லை. ஆனால், ஓட்ட முடியாத அளவுக்கு இல்லை எனலாம். சிதம்பரம் புறநகர்ப் பகுதியில் ஒரு கும்பகோணம் டிகிரி காபி குடித்துவிட்டு, புத்துணர்ச்சியோடு புதுச்சேரியை நோக்கி பயணத்தைத் தொடர்ந்தோம்.

புதுச்சேரியை அடைந்தபோது இரவு மணி 10.30. அடுத்த நாள் காலை, சென்னையை நோக்கிப் பயணம். கிழக்குக் கடற்கரைச் சாலையில் சுங்கவரி வசூலிக்கப்படும் ஒரே பகுதி சென்னை டு புதுச்சேரி தான். ஆனால், இந்தச் சாலையின் தரம், கிழக்குக் கடற்கரைச் சாலையின் மற்ற பகுதிகளைப்போல அல்லாமல், மிக அருமையாக இருந்தது. வெகு விரைவில் சென்னையை அடைந்தோம். 'ஹோண்டா அமேஸ், சிட்டி டிராஃபிக்குக்கு மட்டும்தான் சரிப்பட்டு வரும்; நெடுஞ்சாலைப் பயணங்களுக்கு எல்லாம் சரிப்பட்டு வராது’ என்று யாராவது சொன்னால், நம்பவே நம்பாதீர்கள்.

'டிரைவ் டு டிஸ்கவர்’ பயணத்தில் என்ன 'டிஸ்கவர்’ செய்தேன் என்பதையும் சொல்ல வேண்டும் அல்லவா?

ஹோண்டா அமேஸில் இருக்கும் டீசல் இன்ஜின்தான், நம் நாட்டில் ஹோண்டா அறிமுகப்படுத்திய முதல் டீசல் இன்ஜின் என்பதை எத்தனையோ முறை படித்திருப்பீர்கள். இனி, இதையும் சேர்த்துக்கொள்ளுங்கள். அமேஸில் இருக்கும் 1.5 லிட்டர் 'எர்த் ட்ரீம்ஸ்’ டீசல் இன்ஜின், நிச்சயம் நம் நாட்டுச் சந்தையில் வெற்றிபெற்றுவிட்டது. மைலேஜிலும் சரி, பெர்ஃபாமென்ஸிலும் சரி, எர்த் ட்ரீம்ஸ் டீசல் இன்ஜின் வியக்கவைக்கிறது. இதன் போட்டியாளரான மாருதி டிசையரில் இருப்பது, 1.3 லிட்டர் ஃபியட்டின் மல்டிஜெட் டீசல் இன்ஜின். இதன் மிகப் பெரிய குறை, டர்போ லேக். அமேஸில் டர்போ லேக் நாம் உணரும் அளவுக்கு இல்லை. குறைந்த ஆர்பிஎம்-ல் சிறப்பாகச் செயல்படும் இன்ஜின், 4500 ஆர்பிஎம்-க்கு மேல் சிறப்பாக இல்லை என்றாலும், நிச்சயம் மோசம் இல்லை. அமேஸ், அதிகபட்சமாக மணிக்கு 150 கி.மீ வேகம் வரைதான் செல்லும். அதற்கு மேல் என்ன முயற்சித்தாலும், வேகம் அதிகரிக்கவில்லை. நம் ஊர்ச் சாலைகளுக்கு மணிக்கு 150 கி.மீ வேகம் என்பதே அதிகம்தான்.

மைலேஜைப் பற்றியும் சொல்லியாக வேண்டும். 'ஈக்கோ’ பச்சை விளக்கு எரியும்படி உங்கள் ஓட்டுதல் இருந்தால், தாராளமாக லிட்டருக்கு 21 கி.மீ-க்கு மேல் மைலேஜ் கிடைக்கும். ஆனால், ஃப்யூல் டேங்க் கொள்ளளவு வெறும் 35 லிட்டர்கள்தான் என்பதை நினைவில் வைத்துக் கொள்ளுங்கள்.

அமேஸ் ஆச்சரியப்படுத்திய இன்னொரு விஷயம், பின்னிருக்கை இட வசதி. எப்படி 4 மீட்டருக்குள் இருக்கும் காரில், உள்பக்கம் இவ்வளவு இட வசதியைக் கொண்டுவந்தார்கள் என்று தெரியவில்லை. கால் வைக்க இடம் தாராளமாகவே இருக்கிறது. கேபினில் புழங்க இடம் விசாலமாக இருந்தாலும், டேஷ் போர்டு அமைந்திருக்கும் விதம் எல்லாருக்கும் பிடிக்காது.ஸ்டீயரிங் ஆடியோ கன்ட்ரோல்கள் நன்றாக இயங்கியது. ஆனால், டிரைவிங் பொசிஷன் எல்லாருக்கும் சரியாக இருக்கும் என்று சொல்ல முடியாது. ஓட்டுநர் இருக்கையில் தொடைகளுக்கு சப்போர்ட் இல்லை என்பதால், சில சமயம் எனக்கு முதுகு வலி ஏற்பட்டது.

நான் ஓட்டிய க்ஷிஙீ வேரியன்ட் காரில் 'ஹீட் அப்ஸார்பிங் விண்ட் ஷீல்டு’ இருந்தாலும், அது இருப்பதற்கான பயனை உணர முடியவில்லை. சிறிது நேரம் வெயிலில் நிறுத்திவிட்டு காருக்குள் ஏறினாலும் அனல் பறக்கிறது.

ஹோண்டா அமேஸின் டீசல் இன்ஜின் சற்று எடை அதிகம் என்பதால், முன்பக்க சஸ்பென்ஷன் சற்று இறுக்கமாக அமைத்திருக்கிறார்கள். காரின் கையாளுமையும், ஓட்டுதல் தரமும் நன்றாகவே இருக்கிறது. அதிக வேகங்களில் திடீரென்று ஏதாவது பள்ளத்தின் மீது ஏறி இறக்கினால், ரொம்பவே ஆட்டம் போடுகிறது. என்றாலும், பின்பக்க சஸ்பென்ஷன் சற்று சாஃப்ட்டாக இருப்பதால், இது நார்மல்தான்.

அப்படி என்றால், அமேஸில் பெரிய குறை எதுவுமே இல்லையா? இருக்கிறது. டீசல் இன்ஜினின் சத்தம் மற்றும் அதிர்வுகள்தான் அது. காரை ஸ்டார்ட் செய்யும்போதே மொத்த கேபினும் குலுங்குகிறது. இத்தனைக்கும் 'லிக்விட் ஃபில்டு’ இன்ஜின் மவுன்ட் பயன்படுத்தப் பட்டு இருக்கிறது. இது, அதிர்வுகளைக் குறைத்திருக்க வேண்டும். ஆனால், என்னவோ தெரியவில்லை, காரை ஆன் மற்றும் ஆஃப் செய்யும்போது, ரொம்பவும் குலுங்குவதாக ஓர் உணர்வு. ஒட்டு மொத்தமாக, அமேஸை ஹோண்டா பேக்கேஜ் செய்திருக்கும் விதம் மிக அருமை.

இந்தியாவில் ரீ-பேட்ஜிங் எனும் புதிய கான்செப்ட்டை அறிமுகப்படுத்திய நிறுவனம் ரெனோ - நிஸான். நிஸானின் மைக்ரா, சன்னி கார்களை ரெனோ நிறுவனம் பல்ஸ், ஸ்காலா என ரீ-பேட்ஜிங் செய்து வெளியிட்டது. இப்போது ரெனோவின் வெற்றிகரமான காரான டஸ்ட்டரை, 'டெரானோ’ எனும் பெயரில் ரீ-பேட்ஜ் செய்து வெளியிடுகிறது நிஸான். ரெனோ - நிஸான் கூட்டணியில் ரீ-பேட்ஜ் செய்து வெளிவரும் கடைசி கார் இதுவாகவே இருக்கலாம். 

நிஸானின் காப்பிகேட்டாக வெளிவந்த ரெனோவின் பல்ஸ், ஸ்காலா ஆகியவை பெரிதாக வெற்றிபெறாத நிலையில், டஸ்ட்டரின் காப்பியான டெரானோ மட்டும் வெற்றி பெறுமா? டிசைனை மட்டும் மாற்றிவிட்டால், அதே இன்ஜின்கொண்ட காரை அதிக விலை கொடுத்து மக்கள் வாங்குவார்களா? பல கேள்விகளுடனேயே டெரானோவை உதய்பூரில் டெஸ்ட் செய்தேன்.

டிசைன்

டெரானோவை முன் பக்கத்திலிருந்து பார்க்கும் யாரும், இதை டஸ்ட்டரின் காப்பி என்று சொல்ல முடியாத அளவுக்கு, புத்தம் புதிய காராகவே டிசைன் செய்திருக்கிறது நிஸானின் டிசைன் டீம். அகலம் மற்றும் வீல்பேஸில் டஸ்ட்டருக்கும், டெரானோவுக்கும் எந்த வித்தியாசமும் இல்லை. ஆனால், நீளத்தில் டஸ்ட்டரைவிட 16 மிமீ அதிகமாகவும், உயரத்தில் டஸ்ட்டரைவிட 14 மிமீ குறைவாகவும் இருக்கிறது டெரானோ. முன் பக்க டிசைனைப் பொறுத்தவரை டஸ்ட்டரைவிட டெரானோ கம்பீரமாக இருப்பதோடு, ஒரு முழுமையான எஸ்யூவி என்ற எண்ணத்தைத் தருகிறது. அகலமான பம்பரும், பெரிய ஹெட்லைட்டுகளும் காரின் பிரமாண்டத்தைக் கூட்டுகின்றன. பின் பக்க டெயில் லைட் டிசைனும் டஸ்ட்டரில் இருந்து மாறுபடுவதால், பின் பக்கமும் கொஞ்சம் வித்தியாசமாகவே இருக்கிறது. ஆனால், பக்கவாட்டிலிருந்து பார்க்கும்போது டெரானோ, டஸ்ட்டரை நினைவுப்படுத்திவிடுகிறது. ஸ்டைலான அலாய் வீலும் டெரானோவின் கூடுதல் கவர்ச்சிக்கு முக்கியக் காரணம். ஆனால், இது விலை உயர்ந்த வேரியன்ட்டில் மட்டுமே இருக்கும்.

உள்ளே

காருக்கு உள்ளே சின்னச் சின்ன மாற்றங்கள் இருந்தாலும் சட்டெனப் பார்க்கும்போது, டஸ்ட்டராகவே இருக்கிறது டெரானோ. புதிய ஆடியோ சிஸ்டம் மற்றும் பட்டன்கள், டெரானோவின் சென்டர் கன்ஸோலைப் புதிதாகக் காட்டுகின்றன. டஸ்ட்டரில் வட்ட வடிவில் இருந்த சென்டர் கன்ஸோல் ஏ.சி வென்ட்டுகள், இதில் செவ்வக வடிவத்துக்கு மாறியிருப்பதோடு, சென்டர் கன்ஸோலுக்கு மேல் சின்னச் சின்னப் பொருட்கள் வைக்க, மூடியுடன் கூடிய இட வசதியும் கொடுக்கப்பட்டு இருக்கிறது. டேஷ்போர்டில் ஆங்காங்கே க்ரோம் மற்றும் சில்வர் ஃபினிஷ், புதிய ஸ்டீயரிங் வீல் என மாற்றங்கள் தெரிகின்றன.

காருக்குள் போவதும் வெளியே வருவதும் மிகவும் சுலபம். ஆனால், டஸ்ட்டரைவிட கூடுதல் விலைக்கு வரப்போகும் இந்த காரில், சில முக்கியமான விஷயங்களைச் சேர்க்காமல் கோட்டைவிட்டுவிட்டது நிஸான். டஸ்ட்டரில் கொஞ்சம்கூட சம்பந்தம் இல்லாமல், ஆடியோ கன்ட்ரோல் ஸ்டீயரிங் வீலின் பின் பக்கத்தில் இருக்கும். அந்த ஏடாகூடம் இதில் இல்லை என்று ஆறுதலடைந்தால், டெரானோவின் ஸ்டீயரிங் வீலில் ஆடியோ கன்ட்ரோலே இல்லாமல் செய்துவிட்டது நிஸான்.

டஸ்ட்டரில் பெரிய குறையாகச் சொல்லப்பட்டதே, காருக்குள் தண்ணீர் பாட்டில், காபி கப் போன்ற பொருட்கள் வைக்க இடம் இல்லை என்பதுதான். இந்தக் குறையைக்கூட டெரானோவில் சரிசெய்யவில்லை. காரை ஓட்டுபவர் போனை வைக்கக்கூட கேபினில் சரியான இடம் இல்லை. சைடு வியூ கண்ணாடிகளை உள்ளே இருந்தே அட்ஜஸ்ட் செய்யும் கன்ட்ரோல், டஸ்ட்டரைப் போலவே டெரானோவிலும் ஹேண்ட் பிரேக்குக்கு அடியில் ஒளித்து வைத்திருக்கிறது நிஸான். இது பயன்படுத்துவதற்கு வசதியாக இல்லை. டஸ்ட்டரைப் போலவே இதிலும் பார்க்கிங் சென்ஸார் மட்டுமே. கேமரா இல்லை. அதேபோல், பார்க்கிங் சென்ஸார் சுவிட்ச்சில் லைட் இருந்தால் அது 'ஆஃப்’ ஆகி இருக்கிறது; விளக்கு ஒளிரவில்லை என்றால், 'ஆன்’ செய்யப்பட்டிருக்கிறது என்கிற தலைகீழ் ஃபார்முலா, டஸ்ட்டரைப் போலவே டெரானோவிலும் தொடர்கிறது. மேலும், பின் பக்க பவர் விண்டோ பட்டன்கள், கதவுக் கைப்பிடிக்குக் கீழே வைக்கப்பட்டு இருக்கின்றன.

டிரைவர் சீட் மிகவும் சொகுசாக இருப்பதோடு, கம்பீரமான டிரைவிங் பொசிஷனையும் கொண்டிருக்கிறது. முழு சாலையும் தெளிவாகத் தெரிவதோடு, கன்ட்ரோல்கள் கைகளுக்கு எட்டும் தூரத்தில் கச்சிதமாக இருக்கிறது. டிரைவர் சீட்டின் உயரத்தை அட்ஜஸ்ட் செய்யும் வசதியும் இருக்கிறது. முன் பக்கம் கால்களை நீட்டி மடக்கி வசதியாக உட்கார அதிக இட வசதி உண்டு. பின் பக்கத்திலும் மூன்று பேர் உட்கார முடியும். டிக்கியில் 475 லிட்டர் இடம் இருப்பதால், பெரிய பெரிய சூட்கேஸ்களை வைக்கலாம்.

இன்ஜின்

இன்ஜின், கியர்பாக்ஸ், சஸ்பென்ஷன் என காரின் பேஸிக் இன்ஜினீயரிங்கில் கை வைக்கவில்லை நிஸான். உண்மையிலேயே இங்கே கை வைக்க வேண்டிய தேவையும் இல்லை. டஸ்ட்டரைப் போலவே 1.6 லிட்டர் பெட்ரோல் மற்றும் 1.5 லிட்டர் டீசல் இன்ஜின்களுடன் விற்பனைக்கு வருகிறது டெரானோ. இதிலும் டீசல் மாடலில் 85 bhp மற்றும் 110 bhp என இரண்டு பவர் ஆப்ஷன்கள் கொண்ட வேரியன்ட்டுகள் உள்ளன. நான் டெஸ்ட் செய்தது 110 bhp டீசல் மாடல். 1462 சிசி திறன்கொண்ட இந்த இன்ஜின், 25.3kgm டார்க்கை அதிகபட்சமாக 2,250 ஆர்பிஎம்-ல் வெளிப்படுத்துகிறது.

டஸ்ட்டரைப் போலவே இதிலும் டர்போ லேக் உண்டு. கார் 2,000 ஆர்பிஎம் தாண்டும் வரை ஆக்ஸிலரேட்டரிலும், கிளட்ச்சிலும் கால் வைத்துக்கொண்டே இருக்க வேண்டியிருக்கும். கிளட்ச்சும் கொஞ்சம் கடினமாக இருப்பதால், சீக்கிரத்தில் சோர்வாகிவிடுகிறது. ஆனால், 2,000 ஆர்பிஎம் முதல் 4,000 ஆர்பிஎம் வரை ஓட்டுவதற்கு சிறப்பாக இருக்கிறது நிஸான் டெரானோ. 6-ஸ்பீடு கியர்பாக்ஸ் பயன்படுத்துவதற்கு எளிதாகவே இருக்கிறது. 0 - 100 கி.மீ வேகத்தை 12 - 13 விநாடிகளில் கடந்துவிடுகிறது டெரானோ. மிட் ரேஞ்சில் மட்டுமே பவர்ஃபுல்லாக இருக்கும் இந்த கார், அதிக மைலேஜ் தருவதற்காக ட்யூன் செய்யப்பட்டிருப்பது புரிகிறது.

டெரானோவில் அதிகபட்சம் 180 கி.மீ வேகம் வரை செல்லலாம் என்கிறது நிஸான். ஆனால், உதய்ப்பூர் சாலைகளில் ஆடு, மாடு, ஒட்டகம் முதல் மனிதர்கள் வரை எந்த நேரமும் குறுக்கே வரும் சூழல் இருந்ததால், அதிகபட்சம் 140 கி.மீ வேகத்தைத் தாண்டவில்லை.  

கையாளுமை

டெரானோவின் செல்லிங் பாயின்ட்டுகளில் முக்கியமானது, ஓட்டுதல் தரம். மேடு பள்ளம், குண்டும் குழியுமான சாலைகளை மிகவும் ஈஸியாக சமன் செய்கிறது டெரானோவின் சஸ்பென்ஷன். இதனால், எந்த மாதிரியான சாலையாக இருந்தாலும் வேகத்தைக் குறைக்க வேண்டும் என்ற எண்ணமே எழவில்லை. டெரானோவில் எம்ஆர்எஃப், அப்பல்லோ என இரண்டு நிறுவனத்தின் டயர்களும் பொருத்தப்பட்டு இருக்கின்றன. நான் ஓட்டிய காரில் இருந்தது அப்பல்லோ டயர்கள். ஸ்டீயரிங் செம ரெஸ்பான்ஸிவாக இருப்பதால், கையாளுமை சூப்பர். ரோடு கிரிப்பும் ஓகே!

மைலேஜ்

110 bhp சக்திகொண்ட டெரானோ, லிட்டருக்கு 19.01 கி.மீ மைலேஜ் தரும் என்கிறது நிஸான். இதை முழுமையாக டெஸ்ட் செய்த பிறகுதான் உறுதி செய்ய முடியும்.

முதல் தீர்ப்பு

ரெனோ டஸ்ட்டரைவிட நிஸானின் டெரானோ பார்ப்பதற்கு பிரமாண்டமாகவும், முழுமையான எஸ்யூவி கார் என்ற எண்ணத்தையும் ஏற்படுத்துகிறது. பெர்ஃபாமென்ஸ், மைலேஜ், ஓட்டுதல் தரம் என எதிலும் எந்தக் குறையும் பெரிதாகச் சொல்ல முடியாது. ஆனால், டெக்னிக்கல் விஷயங்களில் எந்த மாற்றமும் இல்லாத இந்த காரை, வெறும் ஸ்டைலுக்காக கூடுதல் விலை கொடுத்து வாங்க வேண்டுமா? டஸ்ட்டரில் குறையாகச் சொல்லப்பட்ட விஷயங்கள் எதையுமே நிஸான் கண்டுகொள்ளாமல் விட்டது ஏன்? டிசைனில் வேறுபடுத்திக் காட்டப் போராடியவர்கள், சில குறைகளையும் நிவர்த்தி செய்திருக்கலாமே?

டஸ்ட்டர் வாங்கலாமா, டெரானோ வாங்கலாமா எனக் குழப்பத்தில் இருப்பவர்கள், ஸ்டைலான எஸ்யூவி வேண்டும் என்றால் மட்டுமே... டெரானோவை வாங்கலாம்.

லிட்டில் ஜான் ராணுவத்தில் புகழ்பெற்ற பாராசூட் பயிற்சியாளராய் விளங்கினான். அவன் வெற்றிக்கு என்ன காரணம் என்று கேட்டபோது ஜான் சொன்னான், ''பயப்படாமல் குதித்தால், அவர்களின் சொந்த அறைக்குப் போகலாம். இல்லா விட்டால் இரவை என்னோடு கழிக்க வேண்டும் என்கிற நிபந்தனைதான் வெற்றிக்குக் காரணம்'' என்றான்.

''எனது அலுவலகத்தில் எனக்கு ஒரு பிரச்னை'' என்றான் ஜான். ''இனி நான்,  நீ என்றெல்லாம் பிரித்துப் பேசக் கூடாது. உன் பிரச்னை, என் பிரச்னை எல்லாம் ஒன்றே'' என்ற ஜானின் மனைவி, ''பிரச்னையைச் சொல்'' என்றாள். ''நமது அலுவலகப் பெண் நம்மால் கர்ப்ப மடைந்தாள்'' என்றான் ஜான் அப்பாவியாக.

லிட்டில் ஜானிடம் ''அடல்ட் ஜோக் என்றால் என்னவென்று தெரியுமா?'' என்று மேனேஜர் கேட்டார். ''18 வருடத் துக்கு முன் வந்த எல்லா ஜோக்குகளும் அடல்ட் ஜோக்'' என்றான் ஜான்.

ஜானும் அவனது மனைவியும் மருத்துவமனைக்குச் சென்றிருந் தார்கள்.

''ஒரு வாரத்துக்கு செக்ஸ் கண்டிப் பாகக் கூடாது'' என்றார் மருத்துவர்.

''என்னா, டாக்டர் சொன்னது கேட்டுச்சா?'' என்றாள் ஜானின் மனைவி.

''டாக்டர் உன்னிடம்தானே சொன் னார்?'' என்றான் ஜான் அசால்ட்டாய்.

மலையாள சினிமாவில் இது வாரிசுகள் காலம். அதிலும் ஃபாசில் பையன் ஃபஹத்தும் மம்மூட்டியின் மகன் துல்ஹர் சல்மானும் பிரமாதம்.

சமீபத்திய ரிலீஸ் 'ஏ.பி.சி.டி.’ படம், கிட்டத் தட்ட சூப்பர் ஸ்டாரின் 'தம்பிக்கு எந்த ஊரு’ டைப் கதைதான். 'அமெரிக்கன் பார்ன் கன்ஃபியூஸ்டு தேஸி’ என்பதன் சுருக்கமே ஏ.பி.சி.டி.. அமெரிக்காவில் ஜாலியாய்ச் சரக்கடித்து பொழுதைக் கழிக்கும் மிடில் கிளாஸ் ஃபேமிலி பையனாக நடித்திருக்கிறார் துல்ஹர் சல்மான். பொறுப்பு வரட்டும் என இந்தியாவுக்கு அனுப்பிவைக்கிறார் தந்தை. இந்தியாவுக்கு வந்ததும்தான் தெரிகிறது அவனது பேங்க் அக்கவுண்ட்டை அவனது தந்தை முடக்கி வைத்திருக்கிறார் என்று. அப்புறம் என்ன? எளிமையான வாழ்க்கை வாழ்வதற்காக இந்தியா வுக்கு வந்திருக்கிறேன் என சீன் போட்டு அப்படியே மீடியா அட்டென்ஷனும் கிடைக்க, பாப்புலர் 'யூத் ஐகான்’ ஆகிறார். அதன் பிறகு அரசியல்வாதிகளுக்கும் அவருக் கும் நடக்கும் உரசலும் காமெடி க்ளைமாக்ஸு மாய் படம் நகர்கிறது. ஏற்கனவே 'உஸ்தாத் ஹோட்டல்’ படத்தில் இதேபோல ஃபாரின் ரிட்டர்ன் ஆசாமியாக நடித்தவர்தான் துல்ஹர். ஆனால் இந்தப் படத்தில் இவர் காட்டி இருக்கும் பாடி லாங்குவேஜ் ஆச்சர்ய மூட்டுகிறது. இது கொஞ்சம் காஸ்ட்லி படம்தான். ஆறரைக் கோடியாம். ஆனால், இப்பவே பத்து கோடி வசூல் அள்ளிவிட்டது.

பதிலுக்கு ஃபஹத் ஃபாசில் 'ஆர்ட் டிஸ்ட்’ என்ற படத்தில் மைக்கேல் ஆக்னெலோ என்ற கலைவெறி கொண்ட ஓவியன் கேரக்டரில் நடித்திருந்தார். கலைஞனின் வாழ்க்கையில் வரும் ஈகோ, காதல் மற்றும் விபத்து அவனை எப்படி எல்லாம் மாற்றுகிறது. இறுதியில் அவன் என்ன ஆகிறான் எனப் பேசுகிறது. 'ஒளிப்பொரு’ படத்தில் வலைப்பதிவராக சமூகத்தில் மாற்றம் கொண்டு வருபவராக நடித்திருந்தார் ஃபஹத். படம் மோசமான திரைக் கதையால் சுமாராக ஓடினாலும் இன்றைய யூத் அதிகம் புழங்கும் ஃபேஸ்புக், ட்விட்டர் மற்றும் வலைப்பூவை வைத்து ஹீரோ கேரக்டரை உருவாக்கி இருந்தார்கள். கிட்டத்தட்ட ஒரே நேரத்தில் துல்ஹரின் 'நீலவானம் பச்சக்கடல் சுவர்ணபூமி’ படமும் ஃபஹத்தின் 'நார்த் 24 காதம்’ படமும் அண்மையில் ரிலீஸ் ஆகியது. இரண்டும் பயணத்தை மையமாக வைத்து பின்னப்பட்ட கதைகள். இரண்டுமே வெவ்வேறு ட்ரீட்மென்ட்டால் ஹிட்!

இவர்கள் இருவருக்கும் போட்டியாக சினிமாவுக்கு சம்பந்தமே இல்லாத இன்னொரு வாரிசும் கலக்கி வருகிறார். அது ஆசிஃப் அலி.

'டிராஃபிக்’, 'சால்ட் அன்ட் பெப்பர்’, 'ஆர்டினரி’, 'ரெட் ஒயின்’ போன்ற படங் களில் நடித்திருந்த ஆசிப் அலி அண்மையில் ரிலீஸான 'ஹனி பீ’ படத்தில் இளசுகளைக் குறிவைத்து ஸ்கோர் பண்ணுகிறார். இவரது தந்தை சௌகத் அலி தொடுப்புழா நகரின் முன்னாள் முனிசிபல் சேர்மன். (இதை எழுதும் நானும், படிக்கும் நீங்களும்கூட வாரிசுதானே மக்கா!)  

ஓ.கே... இப்படி இளம் வாரிசுகள் வித்தியாச மான படங்களைத் தேர்ந்தெடுத்து நடித்து கொஞ்சம் சீனியரான பிருத்விராஜுக்கு (இவரும் வாரிசு தான்... முன்னாள் மலையாள நடிகர் சுகுமாரனின் மகன்)  செம டஃப் கொடுத்தாலும் அசராமல் 'மும்பை போலீஸ்’ என்ற ஆக்ஷன் படத்தில் நடித்து இந்த வருடம் இருவருக்குமே தண்ணி காட்டினார். 'மும்பை போலீஸ்’ மலையாள த்ரில்லர் சினிமா வரலாற்றில் புது அத்தியாயம் என்றெல்லாம் வர்ணிக்கப்படுகிறது. இந்த வருடத்தின் மிகப் பெரிய பம்பர் ஹிட்டும் அடித்தது. இவ்வளவுக்கும் ஸ்ட்ரிக்ட்டான போலீஸ் ஆபீஸராக மிடுக்குடன்  வரும் பிருத்விராஜ் ஓரினச் சேர்க்கையாளராகவும் நடித்திருந்தார். (ஆத்தீ! சஸ்பென் ஸையே உடைச்சுட்டேனே!) படத்தில் அவர் கேரக்டர் அவ்வளவு அழகாக வடிவமைக்கப்பட்டிருந்ததும் ஒரு நிஜ போலீஸ் புலனாய்வு எப்படி எல்லாம் இருக்கும் என்பதையும் படம் டீட்டெய்லாகக் காட்டியது குறிப்பிடத் தக்கது.

ஆல் தமிழ் வாரிசுகளே... அலெர்ட்!

பாராசூட்டில் டைவ் அடித்துக் கொண்டே திருமணம் செய்து கொள்வது, தண்ணீருக்கு அடியில் குழந்தை பெற்றுக்கொள்வது இப்படி வித்தியாசமா எதையாவது செய்றதே வெள்ளைக்காரனுக்கு வேலையாப்போச்சு. அந்த வகையில், ஒரு பெண்ணிடம் 'நான் லவ் பண்ணுவேன்னு நினைக்கலை... ஆனா நடந்துடு மோனு பயமா இருக்கு’னு நகரும் டிரெய்ன்ல நடந்துக்கிட்டே காதலைச் சொல்லாம, ஹெலிகாப் டரில் பறந்து சொல்லியிருக்கார் ஒருத்தர். ’இதுல என்ன விசேஷம்னுதானே கேக்கிறீங்க. இல்லாம எப்படி?

அயர்லாந்தைச் சேர்ந்த லியாமுக்கு, நர்ஸாக வேலைபார்க்கும் மெலிசா மோஸ்கூட செம லவ்ஸ். இருவரும் காதலித்து ஒருவழியா நிச்சயதார்த்தமும் முடிவாகும்போது, புதுசா ஒரு தடவை மெலிசாகிட்ட காதலைச் சொல்ல ணும்னு நம்ம ஹீரோவுக்கு ஆசை. வழக்கமா கொடுக்கிற ரோஜாவோட அவங்ககிட்ட போய் நிற்க மனசு இடம் கொடுக்கலை. அதனால தன்னோட டாடி டானியையும் கூட ரெண்டு பேரையும் துணைக்குக் கூட்டிக்கிட்டு, பகக்த்துல இருக்கிற தோட்டத்துக்குப் போய், இருக்கிற தொட்டிச் செடிகளை எல்லாம் வார்த்தைகளாக அடுக்கியிருக்கிறார்கள். மறுநாள் தன்னுடைய முதலாளியிடம் 'என்னோட காதலை வித்தியாசமா சொல் லணும்னு ஆசைப்படுறேன். அதுக்கு ஒரு ஹெலிகாப்டரை அரேஞ்ச் பண்ணிக் கொடுத்தீங்கன்னா, ரொம்ப உதவியா இருக்கும்’ என கசிந்து உருக, காதலுக்கு மரியாதை செய் கிறோம் என்கிற நல்ல எண்ணத்தில் ஹெலிகாப்டரைக் கொடுத்திருக்கிறார் முதலாளி.

அவ்வளவுதான், தன் காதலி மெலிசா மோஸை ஹெலிகாப்ட ரில் ஏற்றிக்கொண்டு தோட்டத் தில் 500 அடிக்கு அடுக்கி வைக்கப்பட்ட ' வில் யூ மேரி மீ மெலிசா’ என்ற வார்த்தைகளைக் காதலிக்குக் காட்டி, மெலிசி யாவை சந்தோஷத்தில் திக்கு முக்காட வைத்திருக்கிறார் லியாம். கிட்டத்தட்ட அரை மணி நேரத்திற்கு வானத்திலேயே அதை ரசித்துக்கொண்டிருந்த மெலிசா, கீழே இறங்கி வந்ததும் வழக்கம்போல 'இட்ஸ் எ வொன்டர்ஃபுல் எக்ஸ்பீரியன்ஸ்’ என்று பேட்டி கொடுத்துவிட்டு, 'லியாம் என் மேல இவ்வளவு லவ் வெச்சிருக்கிறதைப் பார்த்து என் தோழிகள் எல்லாரும் பொறாமைப்படப்போறாங்க!’ என்று பூரித்திருக்கிறார்.

எங்க ஊரு ரியல் எஸ்டேட்காரங்க பார்த்தா, 'இவ்வளவு இடம் இருக்கே, பிளாட் போட்டு விக்கலாமே’னு யோசிச்சிருப்பாங்க!

- கே.ஜி.மணிகண்டன்

பலபேரு பி அண்ட் சி சென்டர்ல படம் ஓடாதுன்னு எழுதியிருந்தாங்க. அதான் நானே வண்டியை எடுத்துக் கிட்டு கோயம்புத்தூர், திருச்சி, மதுரை யில எல்லாம் போஸ்டர் ஒட்டி, கொஞ்சம் பப்ளிசிட்டி கொடுக்கலாம்னு வந்திருக் கேன்'' என ஆரம்பித்த மிஷ்கின்,  வித்தியாசமான மனிதர்தான்.

''ஏற்கெனவே சாரு நிவேதா, 'ஓநாயும் ஆட்டுக்குட்டியும்’ படத்தில் ஷாஜி, அடுத்த படத்துல ஜெய மோகனுடன் இணையறதா செய்தி... தொடர்ந்து இலக்கிய நண்பர்களோட இயங்குவதற்கு எதுவும் காரணம் இருக்கா?''

''சாருநிவேதாவை இப்போ நான் பார்க்கிறதே இல்லை. சுருக்கமாச் சொல்லணும்னா, நாங்க ரெண்டு பேரும் 'டச்’லேயே இல்லை. தயவுசெஞ்சு பழசையெல்லாம் தோண்டி எடுக் காதீங்க. ஜெயமோகன் என் படத்துல வொர்க் பண்ணப்போறதா வந்த செய்தி உண்மை கிடையாது. அவரும் நானும் நண்பர்களா இருந்தாலும், இதுவரை சேர்ந்து வொர்க் பண்ற ஐடியா வந்தது இல்லை.''

''இருட்டும் வன்முறையும் உங்க படத்துல எக்கச்சக்கமா இருக்கே, ஏன்?''

''நான் தனிமையையும் இருட்டையும் ரொம்ப விரும்புறவன். வன்முறை நம்ம வாழ்க்கையோட ஒவ்வொரு நொடியிலும் கலந்திருக்கு. ரோட்டுல போறப்போ யாரையாவது திட்டுறது, வீட்டுல இருக்கிற புருஷன் தன் பொண்டாட்டி யைத் திட்டுறது, ஃபர்ஸ்ட் ரேங்க் எடுக்கலைனு குழந் தையை அம்மா திட்டுறதுனு ஆரம்பிச்சு, ஒரு நாளைக்கு எக்கச்சக்கமான வன்முறையை உணர்ந்துக்கிட்டு தான் இருக்கோம். பேப்பர் படிக்கிற எல்லாருக்குமே நம்ம வாழ்க்கையில் எவ்வளவு வன்முறைகள் நடந்துட்டி ருக்குனு தெரியும். அதையெல் லாம் சுருக்கி, இரண்டரை மணி நேரம் ஓடுற சினிமாவுல ஒரு பகுதியா நான் வன்முறை யைச் சொல்றேன்னா, 'ரொம்ப கம்மியா சொல்றோமே’னு நான்தான் வருத்தப்படணும்!''

''உங்க படங்களெல்லாம் 'காப்பி’ங்கிற விமர்சனம் இருக்கே?''

''ஒரு படத்தை அப்பட்டமா சீனுக்கு சீன் எடுக்கிறதுதான் காப்பி. மத்தபடி இங்கே எல்லாக் கதையும், எல்லா படமும் இன்ஸ்பிரேஷன்ல வந்ததுதான். விமர்சனம் பண்றவங்களுக்கு நல்லது, கெட்டது எல்லாத்தையும் சுட்டிக்காட்டுறதுக்கு உரிமை இருக்கு. அவங்க என் படத்தைப் பார்த்துட்டு மோசமாத் திட்டுனாலும் சரி, ஓஹோனு புகழ்ந்தாலும் சரி, எதையுமே நான் கண்டுக்கிற தில்லை. இந்தப் படம் ஓடலைன்னா அடுத்த படம்னு ஓடிக்கிட்டே இருப்பேன்.''

''ஒரு படம் தோல்வி அடைஞ்ச பிறகு 'அந்த படத்தைப் பண்ணது என்னோட தப்பு, அது முழுமையான படமே இல்லை’னு சொல்றீங்க. ஏன் அந்தப் படம் எடுக்கும்போதே காம்ப்ர மைஸ் ஆகாம இருந்திருக் கலாமே?''

''ஆக்சிடென்ட் ஆனாத்தாங்க எங்கெங்க வலிக்குது, வலி எப்படி இருக்குனு சொல்ல முடியும். 'இப்படி ஆக்சிடென்ட் ஆனா, இப்படி வலிக்கும்டா’னு வார்த்தையில சொல்ல முடியுமா என்ன? திரைக் கதையும் அந்த மாதிரிதான்!''

''பெரிய நடிகர்கள் இருக்கிற படங்களுக்குத்தானே ரசிகர்களோட எதிர்பார்ப்பு அதிகமா இருக்கு. அப்படி இருக்கும்போது, கொஞ்சம் வித்தியாசமான முயற்சிகளுக்கு அவங்களையும் பயன்படுத்திக் கலாமே?''

''அதான் இல்லை. அப்படி பண்ணும்போது அது வேற மாதிரியான கதையா மாறிடும். சின்னச் சின்ன நடிகர்களை வெச்சுப் பண்ணும் போதுதான் கதை தனியா தெரியும். கொடிக்குதான் சப்போர்ட் தேவைப்படுமே தவிர, ஆலமரத்துக்குக் கிடையாது. வளரும்போதும் சரி, வளர்ந்ததுக்கு அப்புறமும் சரி புயல், மழை, வெயில் எல்லாத்தையும் தாங்குற ஆலமரமாதான் நானும், என்னோட கதையும் இருக்கணும்!''

பேரழிவுக்காக எல்லாம் காத்துக்கொண்டு இருக்கத் தேவை இல்லை; இப்போதே கடலில் தீவுகள் கட்டி அரசாங்கங்களின் பிடியில் இருந்து விடுபடலாம்’ என்று சீரியஸ் முயற்சி ஒன்று நடந்துகொண்டு இருக்கிறது. இதில் முக்கியமான இடத்தை வகிப்பது Sea-steading Institute என்ற நிறுவனம். இந்த நிறுவனத்தின் முக்கிய ஆதரவாளராக இருப்பது பேபால் நிறுவனத்தை நிறுவிய பீட்டர் தியல் என்பதால், சமீப காலத்தில் இதற்கு டெக் மீடியா வில் அதிகக் கவனம் கொடுக்கப்படுகிறது.

 நாடுகளில் கடல் எல்லைக்குச் சற்றே தொலை வில் சுயேச்சை அதிகாரம்கொண்ட மிதக்கும் நகரங்களைக் கட்ட உதவு வதுதான் இந்த நிறுவனத்தின் நோக்கம். இப்படிக் கட்டப்படும் மிதக்கும் நகரங்களுக்கு, அவற்றுக்கு அருகில் இருக்கும் நாடுகளின் சட்டங் கள் பொருந்தாது. ஆரம்ப நாட்களில் கப்பல்கள் மாற்றி அமைக்கப்பட்டு மிதவை நகரங்களாகச் செயல்படும் என்கிறது இந்த நிறுவனத்தின் வலை தளம். ( www.seasteading.org/  )

Blueseed என்ற புதிய நிறுவனம் கரைகளுக்கு அருகே... ஆனால், நாடுகளின் சட்டம் இயங்கும் எல்லைக்கு அப்பால் கப்பல்களை நிறுத்தி, அவற்றில் தொழில்முனைவோருக்கு வாழும் மற்றும் வேலை பார்க்கும் வசதிகளைக் கொடுக்க எத்தனிக்கிறது. அவர்களது முதல் கப்பல் சான்ஃபிரான்சிஸ்கோவுக்கு அருகே நிறுத்தப்பட்டு அதில் இருந்து தேவைப்பட்டபடி சிறிய படகுகளில் சான்ஃபிரான்சிஸ்கோ நகரத்துக்கு வந்து செல்லும்படி வசதிகள் செய்து கொடுக்கப்படும். அமெரிக்காவில் வேலை பார்ப்பதற்கான விசா வாங்க வேண்டிய அவசியம் இல்லை; அமெரிக்க அரசுக்கு வரி கொடுக்க வேண்டிய அவசியமும் இல்லை போன்று பல 'இல்லைகள்’. தொழில் முனைவதில் ஆர்வம் இருந்தால், இந்த மிதக்கும் வசிப்பு பணியிடத்துக்கு விண்ணப்பித்துப் பாருங்கள். விவரங்கள் அறிய செல்ல வேண்டிய உரலி http://blueseed.co.

சமீபத்திய விமானப் பயணத்தின்போது விமான நிலையப் பாதுகாப்பு அதிகாரிகள் எனது கைப் பையில் இருக்கும் அனைத்தையும் வெளியே எடுக்கச் சொன்னார்கள். செல்போன், டேப்ளட், கிண்டில், ப்ளூடூத் ஹெட்செட், உதிரி பேட்டரிகள், கேமரா, கையளவு கேம்கார்டர் என மின்னணுக் காயலான் கடையே இருந்தது. நாம் பயன்படுத்தும் எலெக்ட்ரானிக்ஸ் சாதனங்களின் எண்ணிக்கை அதிகரிக்க அதிகரிக்க, நம்மைச் சுற்றி இருக்கும் மின் காந்த மாசின் (Electro Magnetic Pollution) அளவும் அதிகரித்தபடியே இருக்கிறது. இந்தச் சாதனங்களில் இருந்து வெளிப்படும் கதிர்வீச்சைக் குறைக்க முயலும் தொழில்நுட்பங்களால் அதிகமான கேடுதான் என்கிறது உலக சுகாதார அமைப்பின் வலைதளம். இந்தப் பிரிவில் இருக்கும் தொழில்நுட்பங்கள் என்னவெல்லாம் இருக்கிறது என்பதை கூகுள் துணையுடன் ஒரு வார இறுதியில் அலசினேன். Organism எனப்படும் உயிர் இருக்கும் ஜீவிகள் அனைத்துக்குமே அவற்றைச் சுற்றி உயிர்ப்புலம் (Biofield) என்பது இருக்கிறது. இந்த உயிர்ப்புலத்தின் அதிர்வெண் ணுக்கு (frequency) நிகராக அதிர்வலைகளை உண்டாக்கி, அதன் மூலம் உடலுக்கு மின்காந்த மாசின் பாதிப்பைக் குறைப்பதாகச் சொல்லப்படும் q-link சாதனத்தை ஆர்டர் செய்திருக்கிறேன். அமேசான் டாட் காமின் பயனீட்டாளர்கள் பலர் சொல்வதைப் பார்த்தால், மொபைல் சாதனங்களின் பயனீடு அதிகரித்தபடி இருக்கும் இந்தக் காலத்துக்குத் தேவையான ஒன்றுதான் அது. q-link அல்லது அது போன்றவற்றைப் பயன்படுத்தி இருந்தால், உங்கள் அனுபவத்தை @antonprakash-க்கு ட்வீட் செய்யுங்கள்.

தங்களுடைய முகத்தைப் பயன்படுத்தி கங்ணம் ஸ்டைல் வீடியோ தயாரித்து அனுப்பிய அனைவருக்கும் நன்றி. விரைவில் வெற்றி பெற்ற வீடியோவைப் பகிர்கிறேன்.

- விழிப்போம்...

நரேந்திர தாமோதர் தாஸ் மோடி, பிரதமர் வேட்பாளர்தானா... அல்லது பிரதமரே ஆகிவிட்டாரா என்ற சந்தேகத்தை உண்டாக்குகிறது, இந்தியா முழுக்க அலையடிக்கும் 'மோடி மேனியா’!

  2004-ல் 'இந்தியா ஒளிர்கிறது’ என்பதை முன்வைத்து தேர்தலை எதிர்கொண்ட பாரதிய ஜனதா கட்சி, இப்போது 'துடிப்பான குஜராத்’ (Vibrant Gujarat) என்ற முழக்கத்துடன் நரேந்திர மோடி என்கிற ஒற்றை மனிதரை காங்கிரஸுக்கு எதிராக நிறுத்தியிருக்கிறது. ஒரு பக்கம், 'இனப் படுகொலைக் குற்றவாளி’ என்ற ரத்தக்கறை மோடி மீது படிந்திருக்கும் நிலையில், மறுபக்கம் அவர்தான் இந்திய இளைஞர்களின் புதிய நம்பிக்கையாகவும் கொண்டாடப்படுகிறார். எதை நம்புவது..? மோடியின் சாதனைகள்... மோடி மீதான விமர்சனங்கள் என இரு துருவ விவாதங்களை இங்கே அலசலாம்...

''மோடி... வளர்ச்சியின் முகம்!''

நரேந்திர மோடி குஜராத்தை வளர்ச்சிப் பாதையில் செலுத்த என்னவெல்லாம் செய்திருக்கிறார்? அவர் மீதான விமர்சனங்களுக்குப் பதில் என்ன?..  பட்டியலிடுகிறார் பாரதிய ஜனதா கட்சியின் தமிழ் மாநிலப் பொதுச்செயலாளர்களில் ஒருவரான வானதி சீனிவாசன்.

''காற்றாலை மின்சாரம், கடல் அலையில் இருந்து மின்சாரம், சூரிய மின்சாரம்... என குஜராத்தில் திட்டமிடப்பட்டுள்ள மாற்று வழி மின் தயாரிப்புத் திட்டங்களும், அங்குள்ள மரபுசார்ந்த மின் உற்பத்தித் திட்டங்களும் மொத்தமாக அமலுக்கு வரும்போது, இந்தியாவின் மொத்த மின் தேவையில் 35 சதவிகிதத்தை குஜராத் மாநிலம் மட்டுமே பூர்த்தி செய்யும். குறிப்பாக, நர்மதா நதிக் கால்வாய் மேல் 458 கி.மீ. நீளத்துக்கு சூரிய மின் தகடுகள் பதிக்கப்பட்டு சூரிய மின்சாரம் தயாரிக்கப்படுகிறது. இதன் மூலம், கால்வாய் நீர் ஆவியாவது தடுக்கப்படுவதோடு, அசுத்தமாகாமலும் காப்பாற்றப்படுகிறது. இந்த வளர்ச்சியைத்தான் நாங்கள் மொத்த இந்தியாவுக்கும் கொண்டுவருவோம் என்கிறோம்.

ஓர் அரசு, லாபத்தை மட்டுமே பார்க்கக் கூடாது என்கிறார்கள். இதை நான் ஏற்கிறேன். ஆனால் தனது துறைகளில் லாபம் ஈட்டும்படி அரசு இயங்கினால்தானே, மக்கள் நலத் திட்டங்களுக்கு நிதி கிடைக்கும்? கடந்த 10 ஆண்டுகளில் குஜராத்தின் வளர்ச்சியை வேறு எந்த மாநிலத்துடன் ஒப்பிட்டாலும் உயர்வானதுதான். 'வளர்ச்சி’ என்று வரும்போது மற்றவர்களுக்கு ஓர் அளவுகோலும், குஜராத்துக்கு ஓர் அளவுகோலும் வைப்பது எதனால்? குஜராத்தின் வளர்ச்சியை நாங்கள் பேசும்போது எல்லாம், உடனே 2002-ம் ஆண்டு குஜராத் வன்முறைகள் குறித்து திரும்பத் திரும்பப் பேசுகின்றனர். எனில், முந்தைய காங்கிரஸ் ஆட்சிகளின்போது நடைபெற்ற வன்முறைகளில் இருந்து இதைத் தொடங்க வேண்டும்.

எனக்கு ஒரு விஷயத்தை மட்டும் சொல்லுங்கள்... குஜராத்தில் நல்ல சாராயமும் இல்லை; கள்ளச் சாராயமும் இல்லை. பூரண மதுவிலக்கை ஏற்றுக்கொண்டு, அதன் மூலம் வரும் பாவப் பணத்தை மறுத்து ஆட்சி நடத்தும் மோடியின் ஆட்சி எப்படி மக்களுக்கு நன்மையற்றதாக இருக்கும்?''

ஆனால், ஊட்டச்சத்துக் குறைபாடுள்ள குழந்தைகள், பிரசவ மரணங்கள், ஆண்-பெண் விகிதாசாரம், வறுமைக்கோட்டுக்கு கீழ் ஏராளமாக உள்ள மக்கள்... போன்ற அடிப்படை விஷயங்களில் குஜராத் இன்னும் பின்தங்கியே இருக்கிறதே?''

'' 'மோடி ஏன் 98 ரன்கள் மட்டுமே அடித்திருக்கிறார்... 100 ரன்கள் ஏன் அடிக்கவில்லை?’ என்று கேட்பதைப் போல இருக்கிறது இது. மோடி கடந்த 10 ஆண்டுகளாகத்தான் குஜராத்தை ஆட்சி செய்கிறார். இந்தக் குறுகியகால இடைவெளியில் அவர் செய்துள்ள சாதனைகளைத்தான் நாங்கள் பிரசாரம் செய்ய முடியும். ஊட்டச்சத்துக் குறைபாடுள்ள குழந்தைகள் குஜராத்தில் அதிகம் உள்ளனர் என்பதை எங்களுக்கு எதிரான பிரசாரமாகப் பேசுகிறார்கள். ஆனால், குஜராத்தின் பெரும்பகுதி மக்கள் சைவ உணவு உண்பவர்கள். சைவ உணவு மட்டுமே சாப்பிடுபவர்களுக்கு புரதச் சத்து மற்றும் இரும்புச் சத்துக் குறைபாடு இருப்பது இயல்பு. இதை மாற்ற, அரசு பல திட்டங்களைத் தீட்டியுள்ளது என்றபோதிலும், இது சமூகத்தின் உணவுப் பழக்கத்துடன் தொடர்புடையது!''

  ''உலகிலேயே குஜராத்தில்தான் அதிகளவு வாடகைத் தாய்கள் இருக்கிறார்கள். அவர்கள் ஆண்டுக்கு சராசரியாக, 30 ஆயிரம் குழந்தைகளைப் பெற்றெடுக்கிறார்கள். இதன் மூலம் குஜராத்துக்கு வருடத்துக்கு 1,000 கோடி ரூபாய் அந்நியச் செலாவணி கிடைக்கிறது. பெண்களின் கர்ப்பப் பையை வாடகைக்கு விடுவதை எப்படி நியாயப்படுத்துவீர்கள்?''

''வாடகைத் தாய்களின் எண்ணிக்கை, ஒட்டுமொத்தமாக இந்தியா முழுக்கவே அதிகரித்துக்கொண்டிருக்கிறது என்பதுதான் உண்மை. இதை ஏன் நீங்கள் அந்நியச் செலாவணியுடன் இணைத்துப் பார்க்க வேண்டும்? வேறு ஏதோ ஒரு மாநிலத்தில் வாடகைத் தாய்க்குக் கொடுக்கப்படும் பணமும் அந்நியச் செலாவணிக் கணக்கில்தான் வரும். வாடகைத் தாய் முறையை மத்திய அரசு அனுமதித்துள்ளதால்தான், அது நடைபெறுகிறது என்பதையும் நீங்கள் கவனத்தில்கொள்ள வேண்டும்.''

''2002-ம் ஆண்டு குஜராத் இனப் படுகொலைகளில் மோடிக்கு உள்ள தொடர்பையும் மறுப்பீர்களா?''

''2002-ம் ஆண்டு நடந்த வன்முறையில் பலியானோரின் எண்ணிக்கை, '2000... 3000’ என்றெல்லாம் மீண்டும் மீண்டும் பொய்யாகத் திரித்துக் கூறப்படுகிறது. ஆனால், கணக்கெடுப்பின்படி அந்த வன்முறையில் இறந்தவர்களின் எண்ணிக்கை 856 பேர்தான். இதில் 254 பேர் இந்துக்கள். ஆக, இறந்த அனைவருமே இஸ்லாமியர்கள் அல்ல. இந்த உண்மைகளை மறைத்துவிட்டு நரேந்திர மோடிதான் அந்த வன்முறைகளை முன்னின்று நடத்தினார் என்று சொல்வது பொய்ப் பிரசாரம். அந்தச் சம்பவத்துக்கும் பா.ஜ.க-வுக்கும் மோடிக்கும் எந்தத் தொடர்பும் இல்லை!''

மோடி பிம்பம்... அத்தனையும்  இட்டுக்கட்டிய பொய்கள்!''

நரேந்திர மோடிக்கு எதிராக தொடர்ந்து பிரசாரம் செய்துவருகிறது கம்யூனிஸ்ட் அமைப்பான மக்கள் கலை இலக்கியக் கழகம். இந்த அமைப்பின் பொதுச் செயலாளர் மருதையனிடம் பேசினேன்...

''மோடி, பா.ஜ.க-வின் பிரதமர் வேட்பாளர். நீங்களோ, அவரை 'கார்ப்பரேட் நிறுவனங்களின் ஆள்’ என்கிறீர்கள். எப்படி?

''அண்மையில், இந்தியாவின் டாப்-100 நிறுவனங்களின் சி.இ.ஓ-களிடம், 'எக்கனாமிக் டைம்ஸ்’ ஒரு சர்வே நடத்தியபோது, 'இந்தியாவின் அடுத்த பிரதமராக யார் வர வேண்டும்?’ என்ற கேள்வியை முன்வைத்தது. டாடா, அம்பானி, பிர்லா, மிட்டல், அடானி... உள்ளிட்ட பெரும் முதலாளிகள்தான் அந்த சர்வேயில் பங்குகொண்டவர்கள். அவர்களில் 74 சதவிகிதம் பேர் மோடி பிரதமராக வேண்டும் என்றே விருப்பம் தெரிவித்து இருக்கிறார்கள். ராகுல்காந்தி உள்ளிட்டோருக்கு சேர்த்து 26 சதவிகிதம்தான்.

ஏன் அவர்கள் மோடியை விரும்புகின்றனர்? ஏனென்றால், மோடி குஜராத்தில் சுமார் ஐந்து லட்சம் ஏக்கர் நிலத்தை, விவசாயிகளிடம் இருந்தும், மீனவர்களிடம் இருந்தும் பிடுங்கி, இந்தப் பெரிய நிறுவனங்களுக்குத் தாரைவார்த்துக் கொடுத்திருக்கிறார். பல்லாயிரம் கோடி சலுகைகளை வரைமுறையின்றி வாரி வழங்கி இருக்கிறார். மோடி, மொத்த இந்தியாவுக்கும் பிரதமராக வந்தால் இந்தச் சுரண்டலை நாடு தழுவிய அளவில் செயல்படுத்தலாம் என்று அவர்கள் நினைக்கிறார்கள். மோடியை மாற்றத்தின் நாயகனாக அவர்கள் முன்னிறுத்துவதன் பின்னுள்ள அரசியல் இதுதான். மன்மோகன் சிங்கும் கார்ப்பரேட்டுகளுக்கு விசுவாசமானவர்தான் என்றபோதிலும், அவர் இப்போது செல்லாக் காசாகிவிட்டார். அந்தப் படம் இப்போது ஓடாது. ஆகவேதான் 'மோடி’ என்கிற புதிய ஹீரோவைக் களம் இறக்குகிறார்கள் கார்ப்பரேட்டுகள்.

மோடி எப்படிப்பட்டவர் என்பதற்கு ஓர் உதாரணம் சொல்கிறேன். டாடா நானோ தொழிற்சாலையை மேற்கு வங்கத்தில் இருந்து குஜராத்துக்கு அழைத்து வந்ததைப் பற்றி மோடி குறிப்பிடும்போது, 'பல்லாயிரம் கோடி ரூபாய் முதலீட்டை வெறும் ஒரு ரூபாய் செலவில் அழைத்து வந்தேன்’ என்பார். அதாவது, இவர் டாடாவுக்கு ஒரு எஸ்.எம்.எஸ். அனுப்பினார். அவர் குஜராத் வந்துவிட்டார். அந்த 'ஒரு ரூபாய் செலவின்’ உண்மை முகம் என்ன? 1,100 ஏக்கர் நிலத்தை சந்தை விலையைவிட 100 மடங்கு குறைவான விலையில் டாடாவுக்குக் கொடுத்தார் மோடி. 2,900 கோடி ரூபாய் மதிப்புள்ள முதலீட்டுக்கு 9,570 கோடி ரூபாய் கடன் கொடுத்தார். அதற்கு வெறும் 0.1 சதவிகிதம்தான் வட்டி. கடனை 20 ஆண்டுகள் கழித்து திருப்பிச் செலுத்தினால் போதும். இது எந்த ஊரிலாவது நடக்குமா? மோடி பிரதமராவதில் அத்வானி, சுஷ்மா ஸ்வராஜ், முரளி மனோகர் ஜோஷி போன்ற பா.ஜ.க. தலைவர்களிடம் மாற்றுக் கருத்து இருக்கிறது. ஆனால், கார்ப்பரேட் நிறுவனங்களோ ஒருமித்த குரலில் மோடியை ஆதரிக்கின்றன.

அதேபோல, வெளிநாட்டு முதலீடுகள் குஜராத்தில் அதிகம் என்ற சித்திரம், திட்டமிட்டு உருவாக்கப்படுகிறது. ஏனெனில், மற்ற மாநிலங்களில் பெயரளவுக்கு உள்ள சம்பிரதாயங்கள்கூட குஜராத்தில் கிடையாது. '1000 கோடி ரூபாய் கான்ட்ராக்ட்டை ஆன்லைனிலேயே முடித்தோம்’ என்று அவர்கள் பெருமையுடன் சொல்வது இதைத்தான். இப்படிப்பட்ட மாநிலத்தை எந்த முதலாளிக்குத்தான் பிடிக்காது? சிறப்புப் பொருளாதார மண்டலங்கள் (Special Economic Zones) இந்தியாவில் இருப்பது நமக்குத் தெரியும். குஜராத்தில் மட்டும்தான், சிறப்பு முதலீட்டு மண்டலங்கள் (Special Investment Zones)இருக்கின்றன. அதுபோலவே, மோடியை 'சிறந்த நிர்வாகி’ என்கிறார்கள். இந்தியாவின் எந்த மாநிலத்திலாவது ஐ.ஜி., டி.ஜி.பி. அந்தஸ்தில் உள்ள உயர் போலீஸ் அதிகாரிகள் சிறைக்குள் இருக்கிறார்களா? ஆனால், குஜராத்தில் 32 பேர் இருக்கிறார்கள். அனைவரும் 2002 -ம் ஆண்டு குஜராத் இனப் படுகொலைகளைத் தொடர்ந்து நடத்தப்பட்ட போலி மோதல் வழக்குகளில் கைது செய்யப்பட்டவர்கள். இத்தனை அதிகாரிகளே சிறையில் இருந்தால், அப்புறம் அது என்ன சிறந்த நிர்வாகம்?''

''குஜராத் மாநிலத்தின் வளர்ச்சி குறித்து என்ன சொல்வீர்கள்?''

''மோடியின் வளர்ச்சியைப் பற்றிப் பேசுபவர்களுக்கு புள்ளிவிவரங்கள் குறித்து அக்கறை இல்லை. அவர்கள் துணிந்து பொய்களைப் பரப்புகின்றனர். அல்லது 'மின்சார உற்பத்தியில் குஜராத் தன்னிறைவு பெற்றுவிட்டது’ என்கிறார்கள். 'என்ன விலை கொடுத்தாலும் தங்கு தடையற்ற மின்சாரம் வேண்டும்’ என்பது எந்த வர்க்கத்தின் கோரிக்கை? அது செலவு செய்ய முடிபவர்களின் குரல். பெரும்பான்மை மக்களின் நலன்களைப் புறக்கணித்து, சில நூறு முதலாளிகள் மட்டுமே லாபம் அடைவதற்குப் பெயர் 'வளர்ச்சி’ அல்ல. லாபத்தை மட்டுமே அளவுகோலாகக் கருத, மோடி நடத்துவது மளிகைக்கடையும் அல்ல!''

''புள்ளிவிவரங்கள் ஒரு பக்கம் இருக்கட்டும். மோடிக்கு என இந்தியா முழுக்க ஒரு இமேஜ் உருவாகியிருப்பது பொய் இல்லை. அதற்கு உங்கள் பதில் என்ன?''

''மோடியைச் சுற்றி எழுப்பப்படும் இந்த பிம்பம் எதேச்சையாக வந்தது அல்ல. அமெரிக்காவில் உள்ள ஆப்கோ வேர்ல்டு வைடு (Apco World wide)என்ற மக்கள் தொடர்பு நிறுவனம், மோடியைப் பிரபலப்படுத்தும் வேலையைச் செய்கிறது. இன்று மோடி ஒரு பெரிய பிராண்ட் ஆக நிறுவப்பட்டிருப்பதன் பின்னே, இந்த நிறுவனத்தின் 'லாபி’ உள்ளது. வெளிநாட்டு முதலீடுகளை குஜராத்தை நோக்கி ஈர்ப்பதற்காக உருவாக்கப்பட்டுள்ள 'துடிப்பான குஜராத்’ (Vibrant Gujarat) என்ற திட்டத்தை, உலகளவில் மார்க்கெட் செய்வது இந்த நிறுவனம்தான். ஊடகச் செய்திகள், வெளிநாட்டு முதலாளிகள் மற்றும் தூதுவர்களின் குஜராத் வருகை எல்லாவற்றுக்கும் பின்னால், இந்த நிறுவனத்தின் லாபி இருக்கிறது. மோடி எப்படி ஆடை அணிய வேண்டும்? எப்படிப் பேச வேண்டும்?.. என்பன ஒரு திரைக்கதையைப் போல முன்பே தயாரிக்கப்படுகிறது. மன்மோகன் சிங்கை UNDERACHIEVER என்று வர்ணித்த அமெரிக்காவின் 'டைம்’ பத்திரிகை, மோடியை MODI MEANS BUSINESS என்று அட்டைப் படத்தில் வெளியிட்டது. இவற்றை இணைத்துப் புரிந்துகொள்ள வேண்டும். ஆகவே, நரேந்திர மோடி பற்றி இன்று உருவாக்கப்பட்டுள்ள பிம்பம் அசலானது அல்ல. அது ஒரு பொய்த் தோற்றம்; அது ஒரு மோசடி!''

''சரி... உங்களைப் போன்றோரின் பிரசாரங்களையும் மீறி மோடி பிரதமர் ஆகிவிட்டால்..?''

''எந்தக் காரணத்தால் மோடி குஜராத்தில் வெற்றி பெற்றாரோ, அதே காரணத்தால் அவரால் இந்தியாவில் வெற்றிபெற முடியாது. இந்து மதவெறி, முஸ்லீம் எதிர்ப்பு... என்ற அவரது குஜராத் ஃபார்முலா, தேசிய அளவில் உதவாது. 'மோடி மேனியா’ என்பது, நகர்ப்புற நடுத்தர வர்க்கத்திடம் மட்டும்தான் இருக்கிறது. நகர்ப்புற உழைக்கும் வர்க்கம் மற்றும் கிராமப்புற மக்களிடம் இது எடுபடவில்லை. ஆக, தனிப் பெரும்பான்மை என்பதை பா.ஜ.க-வால் கனவிலும் நினைக்க முடியாது. கூட்டணி ஆட்சி அமைக்கலாம் என்றால், அதற்கு நரேந்திர மோடிதான் வில்லன். ஆகவே, மோடியின் பிரதமர் கனவு நிறைவேறும் வாய்ப்பு மிகவும் குறைவு. இது நிறைவேற வேண்டுமெனில், மிகக் கேவலமான சந்தர்ப்பவாதிகளாக மற்ற அரசியல் கட்சிகள் மாற வேண்டும். அதற்கான வாய்ப்பு இல்லை என்றும் சொல்ல முடியாது!''

---

ஆதாரம்!

நரேந்திர மோடியின் 'மைனஸ்’ குறித்த புள்ளிவிவரங்கள் அனைத்தும் அரசின் பல்வேறு துறைகளின் அதிகாரபூர்வமான அறிவிப்புகளில் இருந்து எடுக்கப்பட்டுள்ளன. அவருடைய 'ப்ளஸ்’ குறித்த புள்ளிவிவரங்கள் அனைத்தும், பா.ஜ.க-வின் வானதி சீனிவாசன் நம்மிடம் கூறியவையே.

இந்த நிலையில், இந்திய ரிசர்வ் வங்கியின் தற்போதைய ஆளுநர் ரகுராம் ராஜன், இதற்கு முன் பிரதமரின் தலைமைப் பொருளாதார ஆலோசகராக இருந்தார். அப்போது ரகுராம் ராஜன் தலைமையிலான நிபுணர்கள் குழு, இந்திய மாநிலங்களின் வளர்ச்சிகுறித்து ஆய்வு செய்தது. சமீபத்தில் வெளியிடப்பட்டுள்ள அந்தக் குழுவின் அறிக்கையில், வளர்ச்சி அடைந்த மாநிலங்களின் பட்டியலில்... கோவா, கேரளா, தமிழ்நாடு, பஞ்சாப், மஹாராஷ்டிரா, உத்தர்காண்ட், அரியானா... ஆகிய ஏழு மாநிலங்கள் உள்ளன. மிகவும் பின் தங்கிய மாநிலங்களின் பட்டியலில் பீகார், ஜார்கண்ட் உள்ளிட்ட 10 மாநிலங்கள் உள்ளன. பின்தங்கிய மாநிலங்களில் மேற்கு வங்கம், மணிப்பூர், நாகாலாந்து ஆகியவற்றோடு குஜராத்தும் இடம் பிடித்துள்ளது!

ஆதியிலே தேவன் வானத்தையும் பூமியையும் சிருஷ்டித்தார்!’  

என் மடியில் இப்போது ஒரு பைபிள் இருக்கிறது. பழைய ஏற்பாடும் புதிய ஏற்பாடும் அடங்கிய எபிரேயு கிரேக்கு என்னும் மூல பாஷையிலிருந்து தமிழில் மொழிபெயர்க்கப்பட்டது. ஆனால், இது அக்காவின் பைபிள். முன் அட்டையில் எஸ்.எஸ்தர் என்று தமிழில் மை பேனாவை வைத்து எழுதிவைத்திருக்கிறாள்.

'நீ செய்த பாவங்கள் ஒவ்வொன்றும் என் காதுக்கு வரும்போது உன் போட்டோ ஒன்றை எடுத்து இந்த பைபிளுக்குள் வைத்துக் கண்ணீர் மல்க ஜெபிப்பேன். கர்த்தர் கருணையானவர் என்று எனக்குத் தெரியும். ஆனால், உன் விஷயத்தில் அவர் கொஞ்சம் கூடுதல் கருணை காட்டவேண்டிய அவசியம். ஆகையால் கண்ணீர் மல்க ஜெபிப்பேன். என் ஜெபம் வலிமையானது. அது உன்னை ஒவ்வொரு முறையும் சிலுவையில் அறைந்துவிடாமல் காப்பாற்றியிருக்கிறது. ஒருநாள் நீ பைபிள் வாசிப்பாய். அப்போது ஜெபத்தைக் காட்டிலும் பைபிள் வலிமையானது என்று புரியும்!’ - இது அடிக்கடி அக்கா சொல்வது.

'நான் உன்னைத் தண்டிக்கப்போவதில்லை. உன்னை தண்டிக்கும் உடல் வலிமையும் எனக்கு இருப்பதாக நான் நம்பவில்லை. என்றாவது ஒருநாள் யதேச்சையாக உன் கையில் ஒரு பைபிள் கிடைக்கும். அப்படி அது கிடைக்கும்போது அதை நீ வாசிக்கக்கூட வேண்டாம். சும்மா தொட்டாலே போதும். நீ மிகவும் தண்டிக்கப்பட்டதாக நான் உணர்ந்து திருப்தி அடைவேன்! - இப்படி திருநெல்வேலி ஆவினில் வைத்து வலுக்கட்டாயமாக ஐஸ்க்ரீம் வாங்கிக் கொடுத்தபடி சொன்ன ஆபிரஹாம் அப்படியே அன்று முதல் காணாமல் போய் விட்டான்.

அப்படிப்பட்ட பைபிள்தான் இப்போது என் மடியில்  இருக்கிறது. கட்டாயம் பைபிள் படிக்க வேண்டிய அல்லது படித்திருக்க வேண்டிய கிறிஸ்துவக் குடும்பத்தைச் சேர்ந்தவன் இல்லை நான். அப்பா செவ்வாய், வெள்ளிகளில் பேய், பிசாசு ஓட்டும் உச்சினிமாகாளி அம்மன் கொண்டாடி. அம்மாவோ எப்போதும் சிவப்புச் சேலை அணிந்தபடி திரியும் ஆதிபராசக்தி. ஆகவே, அம்மா - அப்பாவுக்கும் ஜெருசலேமுக்கும், அம்மா - அப்பாவுக்கும் ஏசுவுக்கும், அம்மா - அப்பாவுக்கும் பைபிளுக்கும், எந்தச் சம்பந்தமும் எப்போதும் இருந்ததில்லை. புதுக்கோட்டை கிறிஸ்துவப் பெண்கள் மேல்நிலைப் பள்ளியில் படித்த அக்கா தான் யாருக்கும் தெரியாமல் ஒருநாள் கர்த்தரை வீட்டுக்குக் கூட்டிவந்தவள். அக்காதான் பைபிளைக் கொண்டுவந்தவள். யாருக்கும் தெரியாமல் கர்த்தர் எங்கள் வீட்டுக்குள் இருக்கிறார் என்று எங்களுக்குத் தெரியும்போது, முருகம்மாளாகிய அக்கா எஸ்.எஸ்தராக மாறியிருந்தாள்.

பரிசுத்த வேதாகமம்’ எனப்படும் இந்த பைபிளின் பக்கங்களுக்கு இடையே நாங்கள் பலப் பல வேண்டுதல்களை எழுதிவைத்திருப்போம். 'என்னை இன்னும் கொஞ்சோண்டு வளத்தியாக்கும் ஆண்டவரே’ என்று பெரியமாரி எழுதிவைத்திருந்தால், முத்துக்குமார் 'சிவகாமி டீச்சருக்குக் காய்ச்சல் வர வேண்டும்’ என்று எழுதியிருப்பான். வள்ளிக்கு எழுதத் தெரியாது. அவள் பைபிளில், 'உம் ரத்தத்தால் என்னைக் கழுவி, கறுப்பான என்னைச் சிவப்பாக்கும் ஆண்டவரே’ என்று என்னைத்தான் எழுதித் தரச் சொல்வாள். மூர்த்தி பைபிள் முழுக்க முடியில்லா மொட்டை பொம்மைகளை வரைந்து வைத்திருப்பான். 'இன்று மட்டும் அடி கிடைக்காமல் காப்பாற்றும் ஆண்டவரே’ என்பதையே தினமும் எழுதிவைத்துவிட்டு, ஒவ்வொரு நாளும் ஏதாவது ஒரு தவறு செய்கிறவனாகத்தான் நான் இருந்தேன். 'ஆண்டவரே சாத்தானின் கைக்குழந்தையாக இருக்கும் என் கடைசித் தம்பி, இன்று தெரிந்து செய்த பாவங்களையும் தெரியாமல் செய்த பாவங்களையும் மன்னிப்பீராக’ என்று நடு இரவில் அக்கா எனக்காக என் தலைமாட்டில் பைபிளை வைத்து, எனக்குத் தெரியாமல் செய்கிற ஜெபம் எல்லாம் எனக்குப் பிடித்தமானவைதான்.

அக்காவுக்கு ஒரு பழக்கம் இருக்கிறது. அவள் யாருக்காக ஜெபித்தாலும் அவர்கள் பெயரையோ அல்லது அவர்களின் புகைப்படத்தையோ அவர்களின் பிரச்னைக்குத் தகுந்தவாறான அதிகாரத்தில் வைத்தபடி ஜெபிப்பாள். என் புகைப்படத்தை 23-வது சங்கீதத்தில் வைத்திருக்கிறாள். அந்தப் புகைப்படம் நான் முதன்முதலில் கருங்குளம் பள்ளியில் ஆறாவது படிக்கும்போது பஸ் பாஸுக்காக எடுத்த புகைப்படம். எண்ணெய் தேய்த்துத் தலை வாரி, நெற்றியில் திருநீறு பூசியிருக்கிறேன். நல்லவேளை இந்தப் புகைப்படத்தில் இருக்கும்போது நான் எந்தப் பாவமும் செய்ததாக இப்போது என் நினைவில் இல்லை. கொஞ்சம் சில்லறைத் திருட்டுகள் இருக்கலாம், அவ்வளவுதான்.

நாளாகமத்தின் அதிகாரம் ஒன்றில் எதையுமே அளவுக்கு அதிகமாகச் சாப்பிடும் தம்பி ராமமூர்த்தி பெயர், நீதிமொழிகள் ஐந்தாவது அதிகாரத்தில் அண்ணன் சிவா பெயர், ஏசாயா 49-வது அதிகாரத்தில் அம்மாவின் பெயரையும் அப்பாவின் பெயரையும் எழுதிவைத்திருந்தவள், அதிகம் கோபப்படக் கூடியவனாக இருக்கிற சின்ன அண்ணன் மாரி ராஜாவின் பெயருக்குப் பதிலாக அவனுடைய ஸ்டேட் பேங்க் ஆஃப் இந்தியா வங்கிக் கணக்குப் புத்தகத்தை நீதிமொழிகள் 14-ல் வைத்திருக்கிறாள்.

'புத்தியுள்ள ஸ்திரீ தன் வீட்டைக் கட்டுகிறாள். புத்தியில்லாத ஸ்திரீயோ தன் கைகளினால் அதை இடித்துப்போடுகிறாள்.’ இது யதேச்சையாக நடந்ததா, அல்லது அக்கா திட்டமிட்டுச் செய்தாளா என்று எனக்குத் தெரியவில்லை. கர்த்தரிடம் அண்ணனின் வங்கிக் கணக்கு வழக்குகளை ஸ்டேட் பேங்க் ஆஃப் இந்தியாவில் வேலை பார்த்துக்கொண்டிருக்கும் அக்கா காட்டுவது யதேச்சையானதாக எனக்குப்படவில்லை.

இப்படி எங்கள் எல்லாருடைய பெயர்களையும் பைபிளில் அக்கா இன்னும் எழுதிவைத்துக்கொண்டுஇருப்பதில் எனக்கு ஆச்சர்யமோ, அதிர்ச்சியோ இல்லை. ஏனெனில், வீட்டில் தினமும் நடக்கும் சம்பவங்களின் அடிப்படையில் எங்கள் பெயர்கள் வெவ்வேறு அதிகாரங்களுக்கும், சங்கீதங்களுக்கும், நீதிமொழிகளுக்கும் மாறும். நான் வீட்டில் எப்போதும் இல்லாத ஒரு ஆளாகிவிட்டதால் எனது புகைப்படம் ஒரே அதிகாரத்தில் அதிக நாட்கள் இருக்கின்றன. ஆனால், சிவா அண்ணன் பெயர் வாரத்துக்கு ஒரு முறை வசனம் மாறுவதாக மூர்த்தி சொல்லுவான். அக்காவுடன் திருமணம் ஆகி ஆறு மாதமே ஆனாலும், அத்தான் செந்தில் பெயர் கூட ஒரே நாளில் மூன்று நான்கு அதிகாரங்களுக்கு மாறும் என்பது எனக்குத் தெரிந்ததுதான். ஆனால், நாங்கள் எல்லாரும் எப்போதோ வசனத்தில் இருப்பதுதான்,,,,

ஐ.பி.எல். போட்டிகளில் அந்தந்த மாநில மக்களுக்குத் தங்கள் மாநிலத்துக்கு விளையாடும் வீரர்களைத்தான் பிடிக்கும். ஆனால், எல்லா மாநில மக்களுக்கும் பிடித்த வீரர்... கிறிஸ் கெய்ல். காரணம், கெய்லின் அதிரடி பேட்டிங். புனே வாரியர் அணிக்கு எதிராக 17 பந்துகளில் 50 ரன், 30 பந்துகளில் 100 ரன், 20/20 கிரிக்கெட்டில் இதுவரை யாரும் எட்டாத உச்சபட்சமாக 175 ரன்கள் என கிறிஸ் கெய்ல் அன்று ஆடியதெல்லாம் இதுவரை கிரிக்கெட் ரசிகர்கள் பார்க்காத ருத்ரதாண்டவம். பவுலர்கள், ஃபீல்டர்கள், ரசிகர்கள், சியர்கேர்ள்ஸ் என அனைவரையுமே சிக்ஸர், பவுண்டரி மழையால் டயர்டாக்கிவிட்டார் கிறிஸ் கெய்ல். ஒரே போட்டியில் மூன்று உலக சாதனைகளைச் சாத்தியப்படுத்திய கெய்ல் பற்றிய டிட்பிட்ஸ் இங்கே...

  கிறிஸ்டோபர் ஹென்றி கெய்ல் என்பதே முழுப் பெயர். கெய்ல் என்றால், 'புகழுக்குத் தகுதியானவன்’ என்று அர்த்தம். ரைட்டு விடு!

 கெய்ல் எதிலுமே வித்தியாசமானவர். இடது கை பேட்ஸ்மேன். ஆனால், வலது கை பவுலர். 1999-ம் ஆண்டு இந்தியாவுக்கு எதிரான ஒருநாள் போட்டியில்தான் அறிமுகமானார் கெய்ல். டெஸ்ட் போட்டியில் முதல் பந்தில் சிக்ஸர் அடித்த உலக சாதனைக்குச் சொந்தக்காரர்.  

 6 அடி 3 அங்குல உயரம். 98 கிலோ எடை. அவ்வளவு உயரத்தில், அவ்வளவு பவரோடு அடிப்பதால் பந்துகள் மைதானத்தைத் தாண்டிப் பறக்கின்றன. கிறிஸ் கெய்ல் அதிகபட்சம் 126 மீட்டர் தூரம் பந்தைப் பறக்கவிட்டிருக்கிறார். அதிகபட்ச வேகம், மணிக்கு 173 கி.மீ.  

 ''சின்ன வயதில் மூங்கில் மட்டையைப் பேட்டாகவும், தேங்காயைப் பந்தாகவும் வைத்து விளையாடுவாராம்.  முழுத் தேங்காய்களையே சிதறடித்தவனுக்குப் பந்தைப் பறக்கவிடுவது லாலிபாப் விஷயம்தான்'' என்கிறார் அவரது தந்தை. கெய்லுக்கு இரண்டு சகோதரர்கள். மூத்த சகோதரருடன் இணைந்து 'டியூட்டி ஃப்ரைடேஸ்’ என்னும் பொழுதுபோக்கு நிறுவனம் நடத்திவருகிறார்.

 மைதானத்தில் அதிரடி ஆட்டம் ஆடும் கிறிஸ் கெய்லைப் போன்று கூலான மனிதரைப் பார்க்க முடியாது. எப்போதும் சிரிப்பு, ஆட்டம் எனக் கலகலப்பாக இருப்பார். 'மர்மர்’ என்னும் இதய வால்வு நோயால் பாதிக்கப்பட்ட போதும் உற்சாகம் இழக்கவில்லை. 2005-ல் ஆஸ்திரேலியாவில் இதய அறுவை சிகிச்சை செய்துகொண்டார். ''இந்த வாழ்க்கை கடவுள் கொடுத்தது. அதனால், ரசித்து வாழ்கிறேன். எனக்கு யார் மீதும் எப்போதும் கோபம் கிடையாது... வராது. இனிமேல் எப்போதும் கோபப்பட மாட்டேன்'' என்றார் கிறிஸ் கெய்ல் அறுவை சிகிச்சைக்குப் பின்.

 மனிதாபிமானி.. சென்ற ஆண்டு நடந்த ஐ.பி.எல். போட்டியில் பெங்களூரில் கெய்ல் அடித்த சிக்ஸர் ஒன்று 11 வயதுப் பெண் குழந்தையின் மூக்கில் பட்டு, மூக்கை உடைத்துவிட்டது. மேட்ச் முடிந்த பின் அதைப் பற்றிக் கேள்விப்பட்ட கெய்ல், மருத்துவமனைக்குச் சென்று அந்தக் குழந்தையை நலம் விசாரித்ததுடன், அன்றைய போட்டியில் தான் வென்ற 'ஆட்ட நாயகன்’ பதக்கத்தை அவளுக்கே பரிசாகக் கொடுத்தார்.

 மேற்கு இந்தியத் தீவுகள் அணி நிர்வாகத்துடன் ஏற்பட்ட பிரச்னை காரணமாக, ஒன்றரை ஆண்டுகள் விளையாடாமல் இருந்தார். அவர் இல்லாத காலகட்டத்தில் 47 சர்வதேசப் போட்டிகளில் விளையாடி, வெறும் 14 போட்டிகளில் மட்டுமே வெற்றிபெற்றது மேற்கு இந்தியத் தீவுகள் அணி. வேறு வழியில்லாமல் கிறிஸ் கெய்லின் நிபந்தனைகளுக்கு அடிபணிந்து, இறுதியாக அணியில் சேர்த்துக்கொண்டது நிர்வாகம்.  

 தன்னுடைய பலம் எதுவோ அதில்தான் விளையாடுவார். அதிரடியாக ஆடும் வீரர்தான் என்றாலும், அதற்காக பேட்டைக் கண்டபடி சுழற்ற மாட்டார். ஸ்வீப் ஷாட், ரிவர்ஸ் ஸ்வீப் என்றெல்லாம் தனக்குச் சரிப்படாத ஷாட்களை அடிக்க மாட்டார். ''என்னுடைய உயரத்துக்கு நான் குனிந்தெல்லாம் விளையாடினால் பந்து என் முகத்தில் பட்டுவிடும்'' என்பார். 

ஐ.பி.எல். போட்டிகளில் அந்தந்த மாநில மக்களுக்குத் தங்கள் மாநிலத்துக்கு விளையாடும் வீரர்களைத்தான் பிடிக்கும். ஆனால், எல்லா மாநில மக்களுக்கும் பிடித்த வீரர்... கிறிஸ் கெய்ல். காரணம், கெய்லின் அதிரடி பேட்டிங். புனே வாரியர் அணிக்கு எதிராக 17 பந்துகளில் 50 ரன், 30 பந்துகளில் 100 ரன், 20/20 கிரிக்கெட்டில் இதுவரை யாரும் எட்டாத உச்சபட்சமாக 175 ரன்கள் என கிறிஸ் கெய்ல் அன்று ஆடியதெல்லாம் இதுவரை கிரிக்கெட் ரசிகர்கள் பார்க்காத ருத்ரதாண்டவம். பவுலர்கள், ஃபீல்டர்கள், ரசிகர்கள், சியர்கேர்ள்ஸ் என அனைவரையுமே சிக்ஸர், பவுண்டரி மழையால் டயர்டாக்கிவிட்டார் கிறிஸ் கெய்ல். ஒரே போட்டியில் மூன்று உலக சாதனைகளைச் சாத்தியப்படுத்திய கெய்ல் பற்றிய டிட்பிட்ஸ் இங்கே...

  கிறிஸ்டோபர் ஹென்றி கெய்ல் என்பதே முழுப் பெயர். கெய்ல் என்றால், 'புகழுக்குத் தகுதியானவன்’ என்று அர்த்தம். ரைட்டு விடு!

 கெய்ல் எதிலுமே வித்தியாசமானவர். இடது கை பேட்ஸ்மேன். ஆனால், வலது கை பவுலர். 1999-ம் ஆண்டு இந்தியாவுக்கு எதிரான ஒருநாள் போட்டியில்தான் அறிமுகமானார் கெய்ல். டெஸ்ட் போட்டியில் முதல் பந்தில் சிக்ஸர் அடித்த உலக சாதனைக்குச் சொந்தக்காரர்.  

 6 அடி 3 அங்குல உயரம். 98 கிலோ எடை. அவ்வளவு உயரத்தில், அவ்வளவு பவரோடு அடிப்பதால் பந்துகள் மைதானத்தைத் தாண்டிப் பறக்கின்றன. கிறிஸ் கெய்ல் அதிகபட்சம் 126 மீட்டர் தூரம் பந்தைப் பறக்கவிட்டிருக்கிறார். அதிகபட்ச வேகம், மணிக்கு 173 கி.மீ.  

 ''சின்ன வயதில் மூங்கில் மட்டையைப் பேட்டாகவும், தேங்காயைப் பந்தாகவும் வைத்து விளையாடுவாராம்.  முழுத் தேங்காய்களையே சிதறடித்தவனுக்குப் பந்தைப் பறக்கவிடுவது லாலிபாப் விஷயம்தான்'' என்கிறார் அவரது தந்தை. கெய்லுக்கு இரண்டு சகோதரர்கள். மூத்த சகோதரருடன் இணைந்து 'டியூட்டி ஃப்ரைடேஸ்’ என்னும் பொழுதுபோக்கு நிறுவனம் நடத்திவருகிறார்.

 மைதானத்தில் அதிரடி ஆட்டம் ஆடும் கிறிஸ் கெய்லைப் போன்று கூலான மனிதரைப் பார்க்க முடியாது. எப்போதும் சிரிப்பு, ஆட்டம் எனக் கலகலப்பாக இருப்பார். 'மர்மர்’ என்னும் இதய வால்வு நோயால் பாதிக்கப்பட்ட போதும் உற்சாகம் இழக்கவில்லை. 2005-ல் ஆஸ்திரேலியாவில் இதய அறுவை சிகிச்சை செய்துகொண்டார். ''இந்த வாழ்க்கை கடவுள் கொடுத்தது. அதனால், ரசித்து வாழ்கிறேன். எனக்கு யார் மீதும் எப்போதும் கோபம் கிடையாது... வராது. இனிமேல் எப்போதும் கோபப்பட மாட்டேன்'' என்றார் கிறிஸ் கெய்ல் அறுவை சிகிச்சைக்குப் பின்.

 மனிதாபிமானி.. சென்ற ஆண்டு நடந்த ஐ.பி.எல். போட்டியில் பெங்களூரில் கெய்ல் அடித்த சிக்ஸர் ஒன்று 11 வயதுப் பெண் குழந்தையின் மூக்கில் பட்டு, மூக்கை உடைத்துவிட்டது. மேட்ச் முடிந்த பின் அதைப் பற்றிக் கேள்விப்பட்ட கெய்ல், மருத்துவமனைக்குச் சென்று அந்தக் குழந்தையை நலம் விசாரித்ததுடன், அன்றைய போட்டியில் தான் வென்ற 'ஆட்ட நாயகன்’ பதக்கத்தை அவளுக்கே பரிசாகக் கொடுத்தார்.

 மேற்கு இந்தியத் தீவுகள் அணி நிர்வாகத்துடன் ஏற்பட்ட பிரச்னை காரணமாக, ஒன்றரை ஆண்டுகள் விளையாடாமல் இருந்தார். அவர் இல்லாத காலகட்டத்தில் 47 சர்வதேசப் போட்டிகளில் விளையாடி, வெறும் 14 போட்டிகளில் மட்டுமே வெற்றிபெற்றது மேற்கு இந்தியத் தீவுகள் அணி. வேறு வழியில்லாமல் கிறிஸ் கெய்லின் நிபந்தனைகளுக்கு அடிபணிந்து, இறுதியாக அணியில் சேர்த்துக்கொண்டது நிர்வாகம்.  

 தன்னுடைய பலம் எதுவோ அதில்தான் விளையாடுவார். அதிரடியாக ஆடும் வீரர்தான் என்றாலும், அதற்காக பேட்டைக் கண்டபடி சுழற்ற மாட்டார். ஸ்வீப் ஷாட், ரிவர்ஸ் ஸ்வீப் என்றெல்லாம் தனக்குச் சரிப்படாத ஷாட்களை அடிக்க மாட்டார். ''என்னுடைய உயரத்துக்கு நான் குனிந்தெல்லாம் விளையாடினால் பந்து என் முகத்தில் பட்டுவிடும்'' என்பார்.